Kauhea, että viikot mennee hopusta. Olenkhaan ahnehtinnu liikaa aikataulutettuja menoja?

Maanantaisin töitten jälkhiin menen tekheen kansalaisopiston merkeissä yhtä kohta 20 vuotta sitten kesken jäänyttä kirjottua peittoa. Se ei ole pahassa mallissa, mutta kotona on aina tuhat muuta hommaa oottamassa, niin etten mie sielä kerkeä. Multa puuttuu siittä enhään keskustasta kolme kuviota ja sitten reunakirjonnat. Niin ja vuori tietekki.

Ens maanantaina on sen käsityön jälkhiin yks tyyli- ja pukkeutumisluento, jota mie ootan aika uteliihaana. Onkhaan se oikeasthaan mithään vaiko ei.

Tiistait mullon tyhjiä, mutta saapii ollaki, ko töissä on pitkä päivä.

Keskiviikkona on kansen pitkä päivä, ja viimi keskiviikkona mie kerkesin justhiis käyvä kaupassa, laittaa ruan tulehmaan ja kävässä lenkilä, ko pitiki jo lähteä: ensin on puoli kuuelta jooga ja sieltä suohraan mie jatkan seittemältä kuohroon. Joka kestäs yheksän kiepheile asti, mutta josta mie ylheensä lähen jo kaheksan maissa poies iltahomhiin. Rajansa soon kaikela.

Torstai on hyä päivä, ko silloin kerkeää. Akun piano on varttia vaile neljä, mutta muuten ei ole mithään. Siksi met kerkesimmä viimeksi käyvä tunnin kävely/pyöräilylenkin nuissa Jolmanputhaan maisemissa ja vielä leipoa muffinssejaki.

Perjantaisin mie olen iltapäivälä käyny salila, mutta soon vähän huono aika. Taian vaihtaa sen lauantai-illaksi, kerkeän hyvin ennen saunaa ja silloin sieleiole ruuhkaa. Sunnuntai puolesthaan mennee seuraavan viikon työhommia suunnitellessa.

Joka viikko joku meno perruuntuu, ko tullee joku kokkous tai jotaki muuta. Vaikka hieroja tai kampaaja :-).

- - -

Suurin piirthein kaikki lehet alkaa olheet tippunheet.  Nämät kävit syömässä viimisekki marjat pihlajista ja marjatuomipihlajista:

Onko tunnistettavia kuvia?

- - -

Eikö vain Viuhti ala olla Viirun kokonen?

 

Ponnistusvoimaa sillä on rutkasti enämpi ko vanhala herrala:

Työtason päältä ei ole mikhään konsti hypätä kaapiston pääle.

 

 

-josta on hyä naakia kaikkea.

 

 

Tietsikkahuohneen nurkkahylly on kansen mukava, ko sielä on sopevan kokosia loovia ja koreja torkkua. Sinne päästhään suohraan laattialta.

(Tämon torstailta, ko Akula on essu muffinsien leipomista varten.)

- - -

Tänhään häätys käyvä tyhjentämässä mökiltä viimisekki veet poies, ko ens tiistaina jo lähethään Akun kansen syystauole.  Jos ei kukhaan lähe mulle kaveriksi sauhnaan, niin voi olla, että itteki vain käyn tyhjentämässä net saavit. Sielolis kyllä yksile löylyile veet, eikä nyt ole kylmäkhään. Aurinkoki alkaa paistamhaan - jospa se tuo Aku vaikka innostus iltapäivästä kaveriksi. Voisima ottaa samala niitä askartelujuttuja matkhaan. Luonnonjutuista saapii vaikka mitä hauskaa!

 

 

Enhään 41 viikkoa.