"Syksy tullee, ei voi mithään",  mie hunteerasin eilen aamula ko kattoin lämpömittarin lukemia.

 

"Syksy tullee, ei voi mithään, mutta onpa komea keli!", lisäsin, ko pääsin kunnola heräle.

 

Oli siivouspäivä. Vein roskat ja hain samala lehen. JA pistin auton sisälämmittimen pömisheen (olipa hyä hoksaus!) Villi, että ens viikoksi on luvanu päivälämpötiloja lähele kahtakymmentä astetta taasen, ja välilä käypii näinki kalsakkana. Toivottavasti kukat ei tykkää kyttyrää näistä hallaöistä ennen tuota lämmintä jaksoa. Vielä piisais pihalaki tekemistä. Nyttenki paistaa pilvettömältä taihvaalta, kohta suuntaan ulkohomhiin. Akua haluttas taas mökile sauhnaan - häätyy kattoa, kerkeääkö.

Oli sen verran kalsakka yö ollu takana, että kissat tulit oitis sisäle.

(nuolemishommia, kaikessa sovussa)

 

Kyllä tuon kylmän yön osas aanataki, ko toisen päivän iltana oli niin selkeää.

Nuot Aapuan myllyt net häätys jonaki päivänä kattastaa.

 

Eilen illala yheksän aikana oli vielä aivan ihana keli, aurinko värjäs maailman tosi komean väriseksi.

Tulkhoon vain syksy, on se tämmösennä kuivana kirkhaana päivänä rohki komeata kattottavvaa! Näkkyykö sielä ruskavärejä?

 

 

Aku laski, että vielon 12 päivää sen synttäreihin.

 

Tässä tämän päivän synttärisankari:

 

vielä 46 viikkoa

- äiti -