Komea ilma houkutteli meät eilen mökile, ko sielä piti kumminki käyvä.

Pääsimä kuitekki lähtheen vasta viien jälkheen, ko Aku katto ensin lauantain perheleffaa ja iskä sausti kallaa.

Otima sen sitten mökilekki matkhaan, siksi soon kelmussa.

Mie pistin mökilä ensi töikseni saunan lämpiähmään ja iskä mökin.

Se meinas, että ei oikhein veä piippu... ja mummo taas kehu puhelimessa, miten hyästi vettää, ko nuohooja on juuri käyny.  No sai se iskä sen sitten vetähmäänki.

 

Mie jäin pesävahiksi ja lättytaikinan tekhoon, ko isä ja Aku lähit sieniä hakheen. Aina vähän väliä net huusit, että mikä tämä sieni on. Voipiiko tätä syä? Mie käskin poimia kaikki ja tulla mummon kirjoista sitten kathoon, mitä noon löytäny.

 

Tässä muutamia löytöjä.

 

Ja tässä niitä tunnistethaan.

 

Lätyt mie paistoin vasta saunan jälkhiin. Olipa hintsunlaisesti ötyä mummon ja papan uuessa kakspaikkasessa kaasuhellassa. Meni aika kauvon paistamisessa.

 

 

Aamula oli taasen korton hieno keli ja met poimima mökin ja Haanpään mökin välistä ämpärillisen puolukoita ja sinne jäiki vielä. Saapiipa tehjä taas lappapuuroa, NAM! Loput viinimarjoistaki alko olla kypsiä ja mie noukin niitä vielä pikkuämpärin sillä välin ko isä ja Aku tyhjensit tiskikonetta ja pistit paikkoja kunthoon.

Molin aamula postia hakemassa ja tarkistin puhelinta sielä törmän päälä, ko sielä alla ei ole mulla verkkoa. Silloin näin sinun viestin, mutta eihän mökilä mithään nettiä ole ja myöhästä solis ollukki. Sai Jeroen puhtaasthi suomenkielisen viestin :-).

Molima kotona takashiin vähän jälkhiin puolenpäivän. Naapurissa oli ristiäiset; Antin ja Lindan pojasta tuli Kasper Johannes. Hyä nimi.

Kissat met jätimä yöksi ulos, ko oli niin komea keli lähtiissä ja hyvin net vishiin olit pärjänheet, ko ei kumpikhaan ollu juoksujalkaa vastassa. Raija sano, että heän kuistila noon nukkunu vishiin yönki, ko aamula ainaki olit siinä. Tulit kyllä kumpiki syöhmään vähän ajan päästä.

Kyllä huomena tuntuu jaloissa ja käsissä, ko on poiminu marjoja ja juoksuttannu perennoja.

 

 

Lopuksi pieni väsyny Viuhti.

 

P.S.
Kylläpä tullee hyät haijut keittiöstä: iskä kokkaa sienimuhennosta!

P.S. 2
Vaikka ei ole ko yhen yön pois kotoa, kattoo kaikkia paikkoja aina vähän aikaa aivan turistin silmin. Semmonen ihminen on; soon tehty soppeutumhaan. Mitä pitemphään on jossaki, sitä ouomalta joku toinen paikka näyttää. Silloin ko asuima Sirkassa, katto kirkonkyllää turistin silmin. Nykyhään kattoo taas Sirkkaa turistin silmin. Hoksaako sen, ko sukkuloipii sielä maitten väliä?