Tämä päivä katos johonki.

Ensin mie putsasin saunan pesuhuohneen viemäriä ko se haisi taas. Löysin korkkiloovasta kaks korkkia, jokka mahuit justhiis tukkimhaan net kaks entistä putkea sielä sisälä (siittä kylpyamheesta tuli tietekki ennen putki keskele ja sitten aikanhaan oli sen suihkun allaki sivuviemäri, joka vei keskele).  Eihän net enhään ole käytössä ja mie aattelin, että jospa se haju tulleeki sieltä eikä särkynheestä vesilukosta. Saapiipa nähjä, mitä se viemäri nytten sannoo.

Aku kysy, missä niitä pelejä on. Niinpä met sitten kaivoima niitä yhessä sieltä ylähyllyltä. Pentagon mie aattelin olevan sille tarpheeksi yksinkertanen ja se innostuki siittä. Urhoollisesti se kesti kaikki häviöt ja on nyt sitten päässy minut jo yllättämhäänki pari kertaa.

Sänky on ollu siis hyötykäytössä :-)

Kävimä GK:ssa mettästämässä festarituolia (minkä päätimä tehjä silloin, ko ajoissa taas kärvistelimmä pilkkijakkaroila) ja ostimaki yhen.  Aika näyttää, tulleeko sille käyttöä. Tullessa kävimä Jumppalassa, jossa Saana oli korvia myöten täynä työntekoa - sei aikonu tehjä yhtään mithään työtä koko ens talvena! Ellun kansen met itkeä pirhautimma kläpitten maailmale lähtöä emmäkä silti katuhneet yhthään ainutta kläpintekoa :-) Saana pyöritteli pääthään ja silmiihään. Sen vuokrasopimus alkaa 1.9. Mie löysin vanhasta albumista teistä aika hauskan kuvan ja pistin sen Facebookhiin, kattoppa löyväkkö.

Korjasin tavaroita pirtistä poies ja löysin sen rahin alta tämmösen:

Suljin ja laitoin hylhyyn. Kakkososan pistinki jo aikasemmin, ko se oli sinun huohneessa jossaki niistä koreista tai laatikoista tai  - jossaki. Kerro, jos halvaat tuon keskeneräsen sinne.

GK:sta tarttu matlkhaan kolmen euron palloki. Semmonen jalkapallon kokonen, joka pomppaa hyvin ja on keveä. Pallottelima sillä Akun kansen ulkona, vaikka vettä tuliki. Onneksi oli lämmin sae niin ei haitanu.

Sen tuo sae kuitekki teki teki tälle päiväle, että valoja on saanu taasen pittää iltasella. Omituista.

Ja vanhaherra halus tulla sisäle.

 

Kaivoin pakastheesta vielä niitä pikkupiirakoita iltapalaksi. Olima justhiis niitä Akun kansen syömässä, ko isä ajo pihhaan. Soli päässy Pärhnuun asti. Jolkkaroinu sielä ja sitte sille oli tullu kuulema paniikki ja soli lähteny ajahmaan kotia käsin. Ollu vain yhen yön välilä *silmienpyörityshymiö*. Ei ole kumma, jos sulla on karmeita autossaistumismuistoja ....

Parane pian! Olet rakas.

- äiti -