"...punanahkoja nään..."   tai tässä tapauksessa pitäis kai laulaa, että "jouttenkauloja nään..."

 

 

 

 

 

 

Noon hienoja lintuja. Syksylä vain niitä kattoessa iskee aina haikeus. Niitten liikehtiminen meinaa väistämättä, että kesä on ohi ja häätyy alkaa valmistautumhaan talvea varten. Blääh.

Vaikkei talvessa sinänsä mithään vikkaa ole -  se vain kestää niin turkasen kauvon! Monet oottaa lokakuun loppupuolela jo lunta valostuttamhaan maisemaa, mutta mie en. Mulle riittäs, että lunta on sillain pikkusen jouluna ja sitten taas keväthangila tuhansitten timantitten kera. Muuten evvain perusta koko lumesta.

Mithään sitä tekis pahiman pimmeyen katkasemiseksi, jos ei olis joulua? Lokakuussa tullee aina ensimäiset joulukuvastot (paitti tänä vuona Jotexin kuvasto tuli jo syyskuun puolela! :-O) ja joulu hiipii pikkuhiljaa miehleenki. Niin tänäki vuona. Kävimä Akun kansen tiistaina saunomassa vielä mökilä ja sen verran siinä laarila istuskellessa mietin joulua, että vois kerätä taltheen mökiltä kaikkia askartelukampheita: liekoa, mustikanvarpuja, sammalta. Mie meinasin kokkeila tänä vuona semmosta sammalsy'äntä kanaverkkopohjassa. Jos siihen sais jotenki pienet valot vielä ympättyä,  niin se näkyski tuosta ovesta (jos sen siihen siis ripustas). Ensimäiset joulublogitki jo selasin läpi, ja kerkesinpä miettiä joulujuhlaaki. Päästinkhään mie ajatukset liian pitkäle?!

Joka taphauksessa jouttenet sait minut niin haikeaksi tänä vuona, että päätin piristää itteäni virittelemällä talvivalot katahjaan jo valhmiiksi. Kaheksan maissa on jo niin hämärää, että net näkkyy.

Ei minua vain tosihaan haittais, vaikkei lunta aivan vielä tuliskhaan. Johan täälä valoa piisaa. Olis mukavampi tulla syyslomaltaki takashiin, ko olis vielä sula maa. Vishiin mie häävyn Kemin lentokentäle raahata Polossa talvirenkhaat mukana - jos ei ole vielä alle tarttenu laittaa. Hmph, mie häävyn siis vaihtaa net aivan itte täksi talveksi!?!

Eileten tempasin 390 kukkasipulia maahan, mutta vielä häätys monta asiaa tehjä pihan talviteloile laittamiseksi.

Tänhään kävin kuntosalila taasen ja yllätin itteni tosi hyästä fiiliksestä sen jälkhiin. Lämmittelin juoksumatola itteni oikein hikheen aluksi ja se hiki  pysy mukavasti koko kieroksen ajan. Olo oli ko saunan jälkhiin, rento. Selän issiashermon vain jotenki ärryytin sielä, niin että nytten häätyy vähäsen varovasti kulkea.

 

 

 

 

Ens viikko on enhään täys työviikko. Seuraavalla viikola tiistaina lennämä Akun kansen Vantaale; mullon ke-to koulutus sielä. Perjantaiaamuna nousthaan sitten Finnairin siivilä kohti Keski-Eurooppaa!

Jokos toletta liput varahneet? Mulla tullee kohta hätä, että saattako tet lippuja ollenkhaan! Sieltä ja täältä kuuluu, miten ihmiset on Euroopasta jo joulun ajaksi lippuja varahneet... meinasittako lentää perile asti vai tulla yöjunala? Joko muuten hiipii jouluajatuksia miehleen?