Tähän ei näköhjään saa videoita suohraa liitettyä, tai ainakhaan mie en vielä hoksaa sitä. Käytänpä sitten YouTubea.
Molen pyykäny urakalla kaikkia likasia poies. Toisessa ikivanhassa ruskeassa lakanassa on jo piskusia reiänpoikasia, samoin muutamassa tyynyliinassa oli. Pistin net syrhjään, että tehen niistä vaikka yhistelemällä jotaki. Sitte muistin sen hiusvärihommissa tärvääntynheen pyyhkheen ja hain sen samhaan kashaan.
Meilon muuten pyyhkheitä niin paljon, että net ei mahtunu pukuhuohneen kaaphiin. En muista, että niin olis ikinä käyny ennemin.
ICAssa käyessä mukhaan tarttu punanen pesukoneväri. Niin mie sitten pistin kummakki ruskeat lakanat, pari-kolme tyynyliinaa ja sen pyyhkheen väripeshuun. Nyt net näyttää siltä, että niistä voipii oikeasti tehjä jotaki. Pyyhe saattaa jopa kelvata semmosenhaan käythöön. MUOKS. Kyllä siinä net fläikät näkkyypi. Silppuan sitä vähäsen ja tehen käsipyyhkheitä, sitä vieraskokoa. Saapiipa Anniki valkata ittele kasan pyyhkheitä opiskelijakämphään, jos halvaa.
Nuista ruskeista lakanoista tuli aika hyän väriset.
- -
Veijo on edistynny Vertin kopin kansen.
- -
Tapanilla on vishiin loma, ko se tällä pörrää.
Ja Aku ei ko kuumeilee. Soon vähän reppana, ko sei jaksa ko telkkaria vahata ja vähän lukea.
- -
Tuuliki sitte tyynty yöksi.
klo 23.30
Taian laittaa sen Annin ration pääle, oikhein hiljaselle. On tosi outoa, ko soon kiini. Minusta tuntuu, että soon ollu viimiset kuus vuotta aina auki.
Kommentit